Аб сустрэчы Пасла Рэспублікі Беларусь у Грузіі са Старшынёй Камісіі па камунікацыі Грузіі
17.02.2026 г.Надзвычайны і Паўнамоцны Пасол Рэспублікі Беларусь у Грузіі Мікалай Рагашчук сустрэўся са Старшынёй Камісіі па камунікацыі Грузіі Гогай Гулордавай.
У ходзе сустрэчы бакі абмеркавалі пытанні аднаўлення міжведамаснага ўзаемадзеяння, у тым ліку актывізацыі напрамкаў, якія маюць узаемную цікавасць, а таксама шляхі развіцця ўзаемавыгаднага супрацоўніцтва.
Суразмоўцы абмяняліся думкамі аб вопыце краін у сферы камунікацыйных тэхналогій, падкрэслілі значнасць устанаўлення і падтрымання рабочых кантактаў у мэтах умацавання ўзаемнага даверу, адкрытага і раўнапраўнага дыялога паміж Беларуссю і Грузіяй.
