Напярэдадні Новага года ў г. Тбілісі адчынілі дзверы тры новыя крамы беларускіх тавараў
10.12.2020 г.Напярэдадні Новага года ў г. Тбілісі адчынілі дзверы тры новыя крамы беларускіх тавараў 9 снежня 2020 г. Надзвычайны і Паўнамоцны Пасол Рэспублікі Беларусь у Грузіі Міхаіл Мятлікаў прыняў удзел у адкрыцці чарговай крамы беларускіх тавараў у г.Тбілісі. У сваім выступе М.Мятликаў падкрэсліў, што адкрыццё чарговай крамы беларускіх тавараў будзе садзейнічаць далейшаму ўмацаванню гандлёва-эканамічнага супрацоўніцтва Беларусі і Грузіі, а таксама зробіць Беларусь яшчэ бліжэй і радней грузінскаму народу. Першая беларуская крама ў Грузіі была адкрыта ў 2016 годдзе, а сёння беларускія прадукты прадстаўлены сеткай з 11 магазінаў у сталіцы Грузіі г. Тбілісі, да канца бягучага года іх будзе ўжо 14. Менавіта праца такіх спецыялізаваных магазінаў дазволіла айчынным вытворцам у бягучым годдзе, нягледзячы на складаную эпідэміялагічную сітуацыю, істотна пашырыць асартымент і павялічыць экспарт у Грузію харчовых спажывецкіх тавараў: мяса і каўбасных вырабаў — на 29,7%; кефіру і ёгуртаў — на 32,5%; піва — на 8,7%; рыбных вырабаў — на 5,9%; сыроў і тварагу — на 5,4%; іншых харчовых прадуктаў — на 76,5%. Беларускую прадукцыю ад вытворцаў можна набыць па наступных адрасах г. Тбілісі: Маскоўскі праспект 41; Варкецілі, вул Пакаешвілі 14; Дзігомі, вул. Пятра Іберыі 8; Важа Пшавелы 6; Важа Пшавелы 54; Цотнэ Дадзіані 34; Леха Качыньскага 1; Міратадзе 1а; Марджанішвілі 29; пр. Цэрэтэлі 1; Гуліа 4/2. У снежні спіс папоўніцца яшчэ трыма крамамі: пр. Цэрэтэлі 82; Далідзе 46; Дзідзі дзігомі, 3 мікрараён, корпус 20. У далейшым сетка магазінаў беларускіх тавараў будзе пашырацца за кошт адкрыцця машазінаў у іншых гарадах Грузіі.
