Аб сустрэчы Пасла Беларусі ў Грузіі М.Рагашчука з Дзяржаўным упаўнаважаным у рэгіёне Кахеція
17.08.2026 г.17 жніўня 2026 г.Надзвычайны і Паўнамоцны Пасол Рэспублікі Беларусь у Грузіі Мікалай Рагашчук сустрэўся з Дзяржаўным упаўнаважаным у рэгіёне Кахеція Платонам Калмахелідзэ.
Суразмоўцы абмеркавалі актуальныя пытанні развіцця беларуска-грузінскага міжрэгіянальнага супрацоўніцтва, надаўшы асаблівую ўвагу актывізацыі партнёрскіх сувязяў паміж Мінскай вобласцю і рэгіёнам Кахеція.
Разгледжаны перспектывы арганізацыі ўзаемных візітаў дэлегацый рэгіёнаў Беларусі і Грузіі. Асобная ўвага нададзена развіццю культурна-гуманітарнага супрацоўніцтва, рэалізацыі сумесных ініцыятыў у сферах культуры, адукацыі, спорту і турызму.
Па выніках сустрэчы бакі пацвердзілі ўзаемную зацікаўленасць у наданні дадатковай дынамікі супрацоўніцтву паміж Мінскай вобласцю і Кахеціяй і напаўненні міжрэгіянальнага ўзаемадзеяння канкрэтнымі мерапрыемствамі.
